Supreme Aquakraft - Elegant Series
Supreme Aquakraft Elegant Series (Texla White) Review - Price, Quality & Kya Ye Aapke Bathroom Ke Liye Sahi Hai?
Jab bhi koi naya ghar banta hai ya purane bathroom ki renovation hoti hai, sabse bada confusion yehi hota hai ki nal kaunsa lagaye. Sasta plastic ka nal 3-4 mahine me peela pad jata hai ya leak karne lagta hai, aur mehenga steel wala har budget me fit nahi baithta.
Jain Hardware House, Jalgaon me pichle 2 saal me maine 40+ gharon me Supreme Aquakraft ki Elegant Series lagayi hai. Is article me mai aapko catalogue wala data nahi, apna asli experience bataunga.
1. Elegant Series hai kya? Normal Supreme se alag kya hai?
Ye Supreme ki Texla White (TW) finish wali series hai. Normal safed nal se iska colour thoda milky white hota hai, isliye ispar paani ke daag jaldi nahi dikhte. Jalgaon ke khare paani me ye sabse bada fayda hai.
- 100% Rust-Proof: Poora plastic body hai, zang ka sawal hi nahi.
- Quarter Turn: Bas halka sa ghumao aur paani chalu. Buzurg logon ke liye aasaan.
- Saaf Karna Aasaan: Namak ka safed layer nahi chipakta, geele kapde se saaf.
2. Is Series me kaun-kaun se model aate hai?
- Bib Tap & Long Bib Tap: Washbasin / bathroom diwar ke liye. Pipe andar ho to Long lo.
- Garden Tap & Washing Machine Tap: Heavy duty, zyada pressure handle karta hai.
- Pillar Tap & Swan Neck: Kitchen sink ke liye. Swan neck bartan dhone me aasaan.
- 2-Way Bib Tap & Wall Mixer: Ek line se 2 jagah paani. Alag T se leakage kam.
3. Jalgaon me Price Kya Hai?
| Model Type | Use | Approx Retail Jalgaon |
|---|---|---|
| Bib Tap QT | Bathroom / Washbasin | Rs. 260 - 320 |
| Long Bib / RAS Tap | Thodi door se paani | Rs. 310 - 370 |
| Pillar / Swan Neck | Kitchen Sink | Rs. 380 - 700 |
| 2-Way / Wall Mixer | 2 jagah ek saath | Rs. 400 - 1800 |
4. Isme Kya Kami Hai? (Honest Review)
- Pillar Tap thoda halka hai, bacche latkenge toh hil sakta hai.
- 3 saal tak bina saaf kiye hard water me halka peela shade aa sakta hai.
5. Final Verdict - Kisko Lena Chahiye?
Agar aapka budget 250-400 Rs per tap ka hai aur 2-3 saal tak tension-free nal chahiye, toh Elegant Series best hai. Temporary use ke liye sasta wala le sakte ho.
FAQ - Jo Customer Dukaan Pe Poochte Hai
Q: Kya ye garam paani ke liye chalega?
Haan, 60 degree tak. Geyser direct ke liye CPVC nal better hai.
Q: Warranty kitni hai?
Company manufacturing defect par warranty deti hai. Jalgaon me hamare yahan se lene par fitting issue par hum direct change karke dete hai.
Q: Saste local nal se farak kya hai?
Local ka washer 6 mahine me kharab hota hai. Iska quarter turn cartridge imported hai, saalon tak leak nahi hota.
Author: Anup Jain - Jain Hardware House, Jalgaon. 15+ saal se Supreme Dealer.
Comments
Post a Comment